لما تتصل بيك شركة وتحددلك ميعاد لل interview.. جهز نفسك بال (١١) حاجة دي قبل ماتروح:
١).. افتح ال website بتاع الشركة بعد المكالمة على طول واقرا في ال (vision, mission, objectives, values, products, org chart) بتوع الشركة.. وكمان خد معاهم تاريخ انشاء الشركة، ومسميات ووظائف أعضاء مجلس ادارتها، وحجم أعمالها، وفروعها في مصر وبراها.. الخ.
وده كله عشان تبقى مُلم بكل الداتا اللى ال recruiter المفروض يقولهالك في بداية ال interview فاتريحه في التعريف بالشركة وكمان يعرف انك حد قارئ ومطلع ومهتم باسم الكيان اللى هاتروحله.
٢).. أقرأ ال job requirements او متطلبات شغل الوظيفة اللي انت رايح عليها كويس اوى، وشوف هما عاوزينك تعمل ايه معاهم لو اتقبلت معاهم كا (duties, tasks and responsibilities) وايه المهارات skills او الكفاءات competencies اللي مطلوبة منك لما تبقى job holder معاهم، وحاول تجهز نفسك بيها كويس قبل ال interview.
٣).. دايما ال recruiter هايسألك عن حاجات situational “مواقف مريت بيها في شغلك القديم، أو لو هاتمر بيها معاهم” او مشكلة problem وحلتها ازاى لو كانت سابقة، او هاتحلها ازاى لو قابلتها في شغلك معاهم.. فاجهز نفسك.
[the_ad id=”11408″]
٤).. قبل ال interview اقرا برضه في مصطلحات ال HR، زى (job description, job analysis, competency, ERP system, career path, incentives, pay system, org chart, PMS, T&D.. etc. وتعرف ملخص عن معنى كل مصطلح فيهم هايفيدك في المقابلة.
٥).. خلي بالك من بساطة اللبس بتاعك وعدم خروجك عن لونين في اجمالى لبسك (انت ذوق وبتحب الشياكة أكيد).
٦).. ساعتك، كرافتتك، لياقة قميصك، حزامك، شوزك، معجون أسنانك، البرفيوم الخاص بيك (مش هاوصيك لانك احسن من اي حد في الحاجات دي كلها).
٧).. اعمل حسابك لو هاتوصل الشركة عرقان والشوز بتاعك مترب من المشوار لو راكب مواصلات عادية.. فاتعمل حسابك توصل بدري بتاع ربع ساعة ولا حاحة عشان تدخل التواليت تغسل وشك وتضبط لبسك وشعرك، وبعدها تريح جسمك في التكييف شوية عشان تبقى داخل مرتاح في المقابلة انت وال recruiter.
[the_ad id=”11377″]
٨).. لو أتسالت سؤال ومش عارف إجابته، انصحك تقول معرفش وبلاش ترد اى ردود تانية مالهاش علاقة بالسؤال، عشان ال recruiter اللي قصادك ده مش قاعد في مكانه كده من فراغ، هايعرف انت صادق ولا العكس، وهيبقى تقييمك عنده سيئ.
٩).. دايما عينك في عين ال recruiter وهو بيكلمك، ماتبصش لحاجة تانية، لا سقف ولا ارض ولا اى حاجة غيره وانت بتكلمه.
١٠).. ماتطرقعش صوابعك او تحرك ايديك ودماغك كتير قصاده عشان ده دليل على توترك.
١١).. ماتقعدش قصاده وتحط ايدك على مكتبه ولا ترد عليه بأكتر من المطلوب معرفته.. ماتتوهش الراجل.
وبالتوفيق للجميع،،
[the_ad id=”11379″]